Норвегия үкіметі өз қорғаныс өнеркәсібінен Украинаға қару-жарақ пен қорғаныс өнімдерін тікелей сатуға рұқсат беру туралы шешім қабылдады.
Норвегия үкіметінің порталы хабарлағандай, Норвегия үкіметінің бұл саяси өзгерісі 2024 жылдың 1 қаңтарынан бастап күшіне енді. Сыртқы істер министрі Эспен Барт Эйденің айтуынша, Украинаны қолдау норвегиялық және еуропалық қауіпсіздік үшін маңызды.
«Ресей Федерациясының агрессия соғысы нәтижесінде қалыптасқан төтенше қауіпсіздік жағдайында Украинаға қолдау көрсетуді жалғастыру өте маңызды. Біз бұл мүмкіндікті жоспарлауға тиіспіз… Соғыс жалғасуы мүмкін. Сондықтан үкімет Украинада норвегиялық қорғаныс өнеркәсібінің қару-жарақтары мен қорғаныс өнімдерін тікелей сатуға рұқсат беру туралы шешім қабылдады», — деді ол.
Хабарламада айтылғандай, экспорт тексерілген қажеттіліктер мен түпкі пайдаланушыларды бақылау талаптарына сай болған жағдайда, үкімет Норвегияның Украинаға қару-жарақ пен қорғаныс өнімдерін тікелей сатуына рұқсат беру туралы шешім қабылдады.
«Бұл өзгеріс біздің одақтастарымызбен бірге Норвегияның қорғаныс және қауіпсіздік саясатының іргелі мүдделерін қорғап отырғанымызды білдіреді. Үкімет қауіпсіздік саясатының қазіргі жағдайында қорғаныс өнеркәсібінің маңызды рөлін ілгерілету үшін бірқатар құралдарды пайдаланады», — деп атап өтті ҚР Қорғаныс министрі Бьёрн Арил Грам.
Норвегия СІМ тікелей сатуға арналған экспорттық лицензиялар тек жеке негізде берілетінін және мұқият бағаланатынын баса айтады. Бақылау норвегиялық экспорттық бақылау саласындағы нормативтiк құқықтық актiлерге сәйкес қатаң және жауапты шеңберде жүргiзiледi.
Естеріңізге сала кетейік, Бұған дейін Норвегия Премьер-Министрі Джонас Гахр Стёр Украинаға әуе шабуылына қорғанысты нығайтуға, денсаулық сақтау мен білім беруді қаржылай қолдауға, сондай-ақ оқ-дәрі өндірісін ұлғайтуды қаржыландыруға қосымша көмек көрсету жоспары туралы айтқан болатын.
Норвегия Ұлыбританиямен бірлесіп Украинаға өзінің Әскери-теңіз күштерін стратегиялық тұрғыдан нығайтуға көмектесуді жоспарлап отыр.
