Ресейдің Украинаға толыққанды басып кіруі Екінші дүниежүзілік соғыстан бергі босқындардың ең үлкен толқынын туғызды. Бұған БҰҰ Босқындар істері жөніндегі Жоғарғы Комиссары басқармасының (БҰҰ БЖКБ) деректері дәлел болады», – деп жазады.Дойче Уэлл».
«Елден 7,9 млн.-нан астам адам кетіп қалды, тағы 5,9 млн адам – ішкі қоныс аударушылар», — делінген хабарламада.
БҰҰ-ның Германиядағы Босқындар істері жөніндегі Жоғарғы Комиссары кеңсесінің өкілі Катарина Лумп АҚШ пен Германия босқындар дағдарысына тойтарыс беретін ең ірі гуманитарлық донорлар болып табылатынын, атап айтқанда, Германия Украинаға 1 млрд. еуродан астам гуманитарлық көмек көрсеткенін атап өтті.
БҰҰ БЖКБ деректері бойынша 2022 жылдың 24 ақпанынан 2023 жылдың 3 қаңтарына дейін келесі елдер босқындарды неғұрлым көп қабылдады:
- Польша (1,5 млн. адам),
- Германия (1 млн. адам),
- Чехия (476 мың адам),
- Италия (173 мың адам),
- Испания (164 мың адам),
- Ұлыбритания (152 мың адам),
- Болгария (148 мың адам),
- Франция (118 мың адам),
- Румыния (106 мың адам),
- Словакия (105 мың адам).
Айта кетейік, уақытша қорғау мен қолдаудың ұлттық бағдарламаларына 4,9 млн босқын қатысады. 24 ақпаннан бастап Украинадан көрші елдерге 17 миллионнан астам адам кетіп, Украинаға шамамен 9,2 млн мигранттар қайтып оралды.
