Германия Украинаны 500 млн еуродан астам аға қосымша қарумен қамтамасыз етуді жоспарлап отыр. Бұл туралы Reuters агенттігіне Торонтода өткен Украина бойынша онлайн-конференцияға қатысқан дереккөз хабарлады, деп жазады ЮНИАН.
Дереккөзге сүйенсек, Германия канцлері Олаф Шольц Германияның «Ирис-Т» әуе шабуылына қарсы қорғанысының қосымша үш жүйесін, ондаған броньды жөндеу-эвакуациялау машиналарын, 20 зымыран ұшыру қондырғысын, жоғары дәлдіктегі оқ-дәрілер мен дрондарды қорғау жүйелерін жеткізуді жоспарлап отырғанын хабарлады.
Германия Канцлері қосымша жеткізілімді «Украина Қарулы Күштерін жаңғыртуға қосқан үлесі» туралы жариялады. Қаруды 2023 жылы жеткізу күтілуде. Бұл көмектiң бiр бөлігі бұрын берiлуi мүмкiн. Жеткізілімдер Германияның парламенттік бюджет комитетімен бекітілуі тиіс.
Естеріңізге сала кетейік, бұған дейін германиялық Die Welt басылымы Украина үкіметінің дереккөздеріне сілтеме жасай отырып, ағымдағы жылдың маусым айынан бастап Украинаға ауыр қаруды одан әрі жеткізуге тосқауыл қойылғанын хабарлаған болатын.
Оның орнына Германия канцлері Украинаға қару-жарақ жеткізуді қысқартудан бас тартты. Олаф Шольц Украинаның тіпті неміс әскерінде жоқ қару-жарақты алатынын мәлімдеді.
