ЕО елдерінің басшылары Ресейге қарсы санкциялардың алтыншы пакеті аясында ресейлік мұнай импортына ішінара тыйым салу және басқа да шектеулер туралы келісті, деп хабарлады Еуропалық кеңестің төрағасы Чарльз Мишель және Еуропалық комиссияның басшысы Урсула фон дер Лейен.
Мишельдің айтуынша, санкциялардың алтыншы пакеті қабылданғаннан кейін Еуроодақ өзі сатып алған ресейлік мұнайдың шамамен 2/3 бөлігін әкелуге тыйым салуы мүмкін. Мишель бұл оның әскери машинасын қаржыландырудың орасан зор көзін азайтады және соғысты тоқтату үшін Ресейге ең жоғары қысым болады деп санайды.
Бұдан басқа, санкциялардың алтыншы пакеті басқа да шараларды қамтиды, оның ішінде ресейлік ірі «Сбербанк» банкінің SWIFT-тен ажыратылуы, Украинадағы соғыс қылмыстары үшін кінәлі адамдарға қатысты жеке санкциялар, сондай-ақ ЕО-да ресейлік тағы үш мемлекеттік телерадиокомпанияның хабар таратуына тыйым салу.
Урсула фон дер Лейен, өз кезегінде, егер бұл санкциялар енгізілсе, ресейлік ЕО-ға мұнай импорты ағымдағы жылдың соңына дейін 90%-ға қысқаратынын мәлімдеді.
Қазіргі уақытта ЕО-ның бұл санкцияларды қашан қабылдайтыны белгісіз, бірақ еуропа елдерінің көшбасшылары ресейлік мұнайға эмбарго жасау салдарынан бұл пакет туралы ұзақ уақыт келісе алмағанын еске саламыз. Венгрия мұндай эмбаргоға белсене қарсы шықты. Жалпы, ЕО-ға мүше мемлекеттердің басшылары бір айдан астам уақыт бойы Ресейге қарсы санкциялардың алтыншы пакетін келісе алмады.
