АҚШ Өкілдер палатасы Украинаға 13,6 млрд долларды шұғыл көмек ретінде бөлуді мақұлдады. Ақшалай қаражат әскери-экономикалық және гуманитарлық көмекке беріледі, деп жазады Рейтер.
«9 наурыз күні кешке Өкілдер палатасы Украинаға аса қажетті көмекті қамтитын мемлекеттік қаржыландыру туралы ауқымды заң жобасын қабылдады, Себебі, ел Ресейдің өлі басып кіруіне қарсы күресуде», — делінген хабарламада.
Бұл бастаманы енді Сенат қолдауы тиіс.
Құжат қаржы жылының қалған бөлігіне АҚШ-тың мемлекеттік қаржыландыруын айқындайды. Атап айтқанда, Украина мен Еуропадағы одақтастарға көмек бөлу, сондай-ақ ресейлік басқыншылыққа тойтарыс беру үшін басқа да шаралар қарастырылған. Пакетке гуманитарлық және экономикалық көмек көрсетуге, сондай-ақ Балтық жағалауы мен Орталық және Шығыс Еуропа елдеріндегі Украина мен АҚШ одақтастарының қорғаныс мүмкіндіктерін нығайтуға арналған қаражат кіреді.
